Blanco Amor, ourensano, escritor, fotógrafo, periodista, locutor de radio, emigrante, activista social, defensor de Galicia, polémico, apaixoado, comprometido, poeta, gay... Gay, homosexual, cando esa palabra era innombrable e se substituía por outras que tivo que soportar toda a súa vida, que el mesmo substituía por outras que lles daban unidade, forza e destino. A Blanco Amor igual lle faltou acabar nunha cuneta e non só, nun taxi, chegando ao hospital en Vigo para que a súa figura fose reivindicada sen vergoña e coa forza que merece.
O día 17 de maio, ademais do día grande das nosas letras é o día en contra da LGTBIfobia, nesta data EDL da Epapu de Ourense e os departamentos de Filosofía e Lingua Galega queren homenaxear a Eduardo Blanco Amor cunha web quest que percorre a súa vida e obra, facendo fincapé en aspectos pouco tratados, vitais e biográficos que promoven o recoñecemento emocional e a vinculación co noso alumnado. Como di Eduardo Blanco Amor 2.0 @esmorgueiro: "Que o Día das Letras Galegas coincida co día contra a LGTBIfobia non pode ser só unha casualidade"
Podes acceder á Web Quest AQUI.
Comentarios
Publicar un comentario